राघवाष्टकम् अर्थ सहित Raghava
Ashtakam Lyrics Sanskrit English Translation
॥ राघवाष्टकम् ॥
राघवं करुणाकरं मुनि-सेवितं सुर-वन्दितं
जानकीवदनारविन्द-दिवाकरं गुणभाजनम् ।
वालिसूनु-हितैषिणं हनुमत्प्रियं कमलेक्षणं
यातुधान-भयङ्करं प्रणमामि राघवकुञ्जरम् ॥ १॥
rāghavaṃ karuṇākaraṃ muni-sevitaṃ sura-vanditaṃ
jānakīvadanāravinda-divākaraṃ guṇabhājanam ।
vālisūnu-hitaiṣiṇaṃ hanumatpriyaṃ kamalekṣaṇaṃ
yātudhāna-bhayaṅkaraṃ praṇamāmi rāghavakuñjaram ॥ 1॥
Raghava (who is of the Raghu clan), Who is doer of mercy ,
Who is served by sages , Who is saluted by devas,
Who is the sun which opens the lotus like face of daughter of
Janaka, Who is the vessel of good characters who is saluted by the son of Vali,
Who is liked by Hanuman , who has lotus like eyes and who is terrible looking
to Rakshasas. I salute the elephant of Raghu’s clan (Sri Ram).
मैथिलीकुच-भूषणामल-नीलमौक्तिकमीश्वरं
रावणानुजपालनं रघुपुङ्गवं मम दैवतम् ।
नागरी-वनिताननाम्बुज-बोधनीय-कलेवरं
सूर्यवंशविवर्धनं प्रणमामि राघवकुञ्जरम् ॥ २॥
maithilīkuca-bhūṣaṇāmala-nīlamauktikamīśvaraṃ
rāvaṇānujapālanaṃ raghupuṅgavaṃ mama daivatam ।
nāgarī-vanitānanāmbuja-bodhanīya-kalevaraṃ
sūryavaṃśavivardhanaṃ praṇamāmi rāghavakuñjaram ॥ 2॥
The pure blue pearl which decorates the breasts of Maithili
(Sita), Who looks after Vibheeshana the brother of Ravana , Who is the great
one of Raghu clan, Who is my God, Who is sun who wakes up the lotus like face
of daughter of earth, And who is the one who furthers the clan of the Sun God.
I salute the elephant of Raghu’s clan (Sri Ram).
हेमकुण्डल-मण्डितामल-कण्ठदेशमरिन्दमं
शातकुम्भ-मयूरनेत्र-विभूषणेन-विभूषितम् ।
चारुनूपुर-हार-कौस्तुभ-कर्णभूषण-भूषितं
भानुवंश-विवर्धनं प्रणमामि राघवकुञ्जरम् ॥ ३॥
hemakuṇḍala-maṇḍitāmala-kaṇṭhadeśamarindamaṃ
śātakumbha-mayūranetra-vibhūṣaṇena-vibhūṣitam ।
cārunūpura-hāra-kaustubha-karṇabhūṣaṇa-bhūṣitaṃ
bhānuvaṃśa-vivardhanaṃ praṇamāmi rāghavakuñjaram ॥ 3॥
Who wears the golden ear globes, Who has a pure neck and is
the killer of his enemies , Who is ornamented with golden eye similar to pea
cock, Who has pretty anklets , Kausthubha necklace and also ornaments in hands,
And who is the one who furthers the clan of the Sun God. I salute the elephant
of Raghu’s clan (Sri Ram).
दण्डकाख्यवने रतामर-सिद्धयोगि-गणाश्रयं
शिष्टपालन-तत्परं धृतिशालिपार्थ-कृतस्तुतिम् ।
कुम्भकर्ण-भुजाभुजङ्गविकर्तने सुविशारदं
लक्ष्मणानुजवत्सलं प्रणमामि राघवकुञ्जरम् ॥ ४॥
daṇḍakākhyavane ratāmara-siddhayogi-gaṇāśrayaṃ
śiṣṭapālana-tatparaṃ dhṛtiśālipārtha-kṛtastutim ।
kumbhakarṇa-bhujābhujaṅgavikartane suviśāradaṃ
lakṣmaṇānujavatsalaṃ praṇamāmi rāghavakuñjaram ॥ 4॥
Who is pleased by the Dandaka forest, Who is the support to
devas and hoards of Yogis and Sidhas, Who is interested in supporting people
with discipline Who was praised by Vali who was speedy by nature, Who was an
expert in cutting the snake like hands of Kumbhakarna , And who was greatly
affectionate towards his younger brother Lakshmana. I salute the elephant of
Raghu’s clan (Sri Ram).
केतकी-करवीर-जाति-सुगन्धिमाल्य-सुशोभितं
श्रीधरं मिथिलात्मजाकुच-कुङ्कुमारुण-वक्षसम् ।
देवदेवमशेषभूत-मनोहरं जगतां पतिं
दासभूतभयापहं प्रणमामि राघवकुञ्जरम् ॥ ५॥
ketakī-karavīra-jāti-sugandhimālya-suśobhitaṃ
śrīdharaṃ mithilātmajākuca-kuṅkumāruṇa-vakṣasam ।
devadevamaśeṣabhūta-manoharaṃ jagatāṃ patiṃ
dāsabhūtabhayāpahaṃ praṇamāmi rāghavakuñjaram ॥ 5॥
Who shines wearing scented garlands, Made of Ketaki,Karaveera
and Jathi flowers, Who caries Goddess Lakshmi, Whose chest has a red Kumkum
mark from the chest of the daughter of Mithila, Who is God a of Gods , Who is
the most pretty among beings, Who is lord of the world, Who is the protector of
all beings who serve him. I salute the elephant of Raghu’s clan (Sri Ram).
यागदान-समाधि-होम-जपादिकर्मकरैर्द्विजैः
वेदपारगतैरहर्निशमादरेण सुपूजितम् ।
ताटकावधहेतुमङ्गदतात-वालि-निषूदनं
पैतृकोदितपालकं प्रणमामि राघवकुञ्जरम् ॥ ६॥
yāgadāna-samādhi-homa-japādikarmakarairdvijaiḥ
vedapāragatairaharniśamādareṇa supūjitam ।
tāṭakāvadhahetumaṅgadatāta-vāli-niṣūdanaṃ
paitṛkoditapālakaṃ praṇamāmi rāghavakuñjaram ॥ 6॥
Who is being worshipped day and night, By great Brahmin
experts in Vedas who do Yaga, Charity , Samadhi, Yoga and other rituals, Who is
the valorous one who killed Thataka , Who killed Vali the lord of Angadha, And
who takes care of all that he inherited from his ancestors. I salute the
elephant of Raghu’s clan (Sri Ram).
लीलया खरदूषणादि-निशाचराशु-विनाशनं
रावणान्तकमच्युतं हरियूथकोटि-गणाश्रयम् ।
नीरजाननमम्बुजाङ्घ्रियुगं हरिं भुवनाश्रयं
देवकार्य-विचक्षणं प्रणमामि राघवकुञ्जरम् ॥ ७॥
līlayā kharadūṣaṇādi-niśācarāśu-vināśanaṃ
rāvaṇāntakamacyutaṃ hariyūthakoṭi-gaṇāśrayam ।
nīrajānanamambujāṅghriyugaṃ hariṃ bhuvanāśrayaṃ
devakārya-vicakṣaṇaṃ praṇamāmi rāghavakuñjaram ॥ 7॥
Who like a play completely killed, The Rakshasas called Khara
and Dhooshana, Who is Lord Vishnu who killed Ravana , Who is surrounded by
millions of monkeys , who is Lord Vishnu , Who is Lord Hari who has two lotus
like feet ,who is the support of the world, And who is clear sighted in looking
after the affairs of devas. I salute the elephant of Raghu’s clan (Sri Ram).
कौशिकेन सुशिक्षितास्त्र-कलापमायत-लोचनं
चारुहासमनाथ-बन्धुमशेषलोक-निवासिनम् ।
वासवादि-सुरारि-रावणशासनं च पराङ्गतिं
नीलमेघ-निभाकृतिं प्रणमामि राघवकुञ्जरम् ॥ ८॥
kauśikena suśikṣitāstra-kalāpamāyata-locanaṃ
cāruhāsamanātha-bandhumaśeṣaloka-nivāsinam ।
vāsavādi-surāri-rāvaṇaśāsanaṃ ca parāṅgatiṃ
nīlamegha-nibhākṛtiṃ praṇamāmi rāghavakuñjaram ॥ 8॥
Who uses the arrows and quiver , Given and taught by sage
Viswamithra with a very keen eye, Who has a pretty smile , who is friend of
orphans , Who lives among the entire people of earth, Who punished Ravana who
was the enemy of Indra and devas and gave him salvation, And who has the form
of blue water rich cloud. I salute the elephant of Raghu’s clan (Sri Ram).
राघवाष्टकमिष्टसिद्धिदमच्युताश्रय-साधकं
मुक्ति-भुक्तिफलप्रदं
धन-धान्य-सिद्धि-विवर्धनम् ।
रामचन्द्र-कृपाकटाक्षदमादरेण सदा जपेत्
रामचन्द्र-पदाम्बुजद्वय-सन्ततार्पित-मानसः ॥ ९॥
rāghavāṣṭakamiṣṭasiddhidamacyutāśraya-sādhakaṃ
mukti-bhuktiphalapradaṃ dhana-dhānya-siddhi-vivardhanam ।
rāmacandra-kṛpākaṭākṣadamādareṇa sadā japet
rāmacandra-padāmbujadvaya-santatārpita-mānasaḥ ॥ 9॥
This octet on Ravana would make it possible to reach the land
of Achyutha, Would result in pleasures and salvation , increase of wealth
properties and sons, If it is always read with devotion under the merciful look
of God Ramachandra, With the mind completely surrendered to the lotus like feet
of Rama.
राम राम नमोऽस्तु ते जय रामभद्र नमोऽस्तु ते
रामचन्द्र नमोऽस्तु ते जय राघवाय नमोऽस्तु ते ।
देवदेव नमोऽस्तु ते जय देवराज नमोऽस्तु ते
वासुदेव नमोऽस्तु ते जय वीरराज नमोऽस्तु ते ॥
१०॥
rāma rāma namo’stu te jaya rāmabhadra namo’stu te
rāmacandra namo’stu te jaya rāghavāya namo’stu te ।
devadeva namo’stu te jaya devarāja namo’stu te
vāsudeva namo’stu te jaya vīrarāja namo’stu te ॥ 10॥
Oh Rama, Rama, salutations , Victory to Ramabhadra,
salutations, Oh Ramachandra salutations , Victory to Raghava salutations, Oh
God of Gods salutations, Victory to king of Gods Salutations, Oh Vasudeva
salutations , Victory to valorous king, salutations.
॥ इति श्रीराघवाष्टकं सम्पूर्णम् ॥
॥ iti śrīrāghavāṣṭakaṃ sampūrṇam ॥